2 Corintios 10:1 - NandevaBiblia

¹ She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 10:1 Referans Kwoze

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Galatas 5:2

Shyrẽndupi: She Pablo, hai pee pypya pimbijetahe pipire pichĩchĩkarã peĩ verã heko kavi Tũpa hỹnonderã, pee pevarã Jesucristo manoreite verã.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

2 Corintios 11:30

Pota airoja shijeherã, ajapopo jyve aheshaka nũngambape.

1 Corintios 2:3

She rãnga pynynondema'ãĩrã shypyrãtãã, akyje hareka opa aryry.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

Filemon 1:9

aipotaĩ airure nde jyhaihukue heepe. She, Pablo, akuakuama hareka ã'ẽ shymbyperesohavape ãĩme'ãĩ Cristo Jesús rehe,

2 Tesalonicenses 3:17

She, Pablo, ambyparape shepopetei kova marãndu hareka ñee. Kyrã añonoñoĩva rãĩmi ambypararã opaite kuatiape, kyrã ambypara.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Galatas 4:13

Pikuamava rãĩmi, she tynonde ambeuperã vekua Ñee kaviva, shymbairasy'ai.

2 Corintios 12:5

Kyrãva kuaretare katu kyrã airojahe, tẽvã she katuã airoja'ai shijehe, shara mba'ety are kyrã verã, koñeĩpo aijetahe shypỹrãtamba vekua.

2 Corintios 11:21

Anotiny hai pee, ãñete ore mapeãã kyrãã haire rãĩmi oponderahãã! Tẽvã yngavare katu jyroja ijeherã, kyrãĩ jyve she, ajemaĩpo kuakuamba'ia rãĩmi aijeta.

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

2 Corintios 10:2

Airure'asype, aha pẽĩvape apyryresha verãrã, avy shimiñerãpikui aponderambahe verã ijeta'i yryrehevare, haire hei japohava maĩnungare tyroo potavape, shara ãĩme'ãĩ ambyhovaishu verãre.

2 Corintios 7:4

Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.

1 Corintios 4:10

Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

Romano 15:15

Katynga, aijehumbape ambyparape a'ãmo maĩnunga potãã pyndysareherã. Tũpa pya kavikue rupii ajapo jyve,

Romano 10:20

Haivi Isaías kyjembape hei: “Shyrekamba vekuare, shyresha; pyrãndumba shyrehevare, aijeshakashu reta”.

Hechos 8:32

Mbyparahava mbijeta'ẽvã hai kova: Avisha Ray rãĩmimba rahaha jukaha verã; hareka ko avisha ray rãĩmi jasakava opaite piro ñonovare hỹnonde, haipemba mbai heiva.

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

1 Corintios 4:21

Marãra pipota aha apohype? Yvyra ryheverapo aha maĩrã jyhaihukue hareka pyakavi ryhevera?

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Filipenses 4:5

Opavare tyhesha pynymbaikaviva. Ñandeja kõõima oujy!

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Filemon 1:19

She, Pablo ambypara kova shepope hareka parava: Shepo ambyhepykui. Ha'eã nde, ndei rỹmbyhepy she verã, shara opaite ĩmeryreva hareka ndeteiva rereverẽĩjy she.