2 Corintios 1:12 - NandevaBiblia

¹² Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 1:12 Referans Kwoze

1 Corintios 2:13

Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

1 Tesalonicenses 2:10

Pee pikuaa kavi hareka Tũpa jyve, marãra pirojava mbytepe yryrykove ky'ã, hekope kavi ikoha, hareka mba'ety he'iha yryrehe verã.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

Hebreos 13:18

Pimboi yryrehe. Kuaa kavi rãnga yrypya vapy kavirã, shara potate yryreko kavi opavaperã.

2 Corintios 8:8

Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.

Efesios 6:14

Symyĩ katu pẽĩ, japumbape piko tukua jokuahapya añeteva, hareka pijocha pitia ijojahasepya tykove kavipe.

Galatas 6:4

Hãrã pepenteĩpo maĩ ijehe hykovere, ñandu ijehe iko hekope kavirã, ha'ẽãpo ñimbivachehe verã yngavare.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Corintios 1:17

Ĩmera shypya ambijeta kaviã ajapo verã kova? Maĩrã, pota ajapovara, ajapo kuaretare ikova rãĩmi, “ẽẽ” hairã, kỹỹma'ẽrã, “mba'ety” haijyvy?

1 Corintios 5:8

Hãrã ñamby'aretepo Pascua, pãhã mby'ouka mbihi'ahamba rãĩmi, he'ise poshymbape hareka añetevape. Avy ñamby'arete pãhã mby'ouka tuja vekua ryheve, he'iseva poshy hareka ñandykya ryheve.

1 Corintios 4:4

Aikuããny ajapora porãmbava, hokava he'iseã mbaimba ĩme'areva. Tẽvã koñeĩ'ẽ Teja katu mãĩ shyreheva.

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

1 Corintios 1:17

Shara Cristo shymondoã apyrỹmyngarai verã, koñeĩ Ñee kaviva ambeu verãĩ, ha'ẽã ñy'ãranduvare rãĩmi aikatu aijetarã, potãã Cristo kurusure manorã vekua pytareii mbaimbava rãĩmirã rãnga.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.