1 Timoteo 6:20 - NandevaBiblia

²⁰ Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

1 Timoteo 6:20 Referans Kwoze

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

2 Timoteo 2:16

Avy jasakahe ñe'ẽkuerei, shara kyrã ijeta'iare porã'ãĩtevepo jyraha jyre,

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

1 Timoteo 6:14

rijapo verã opa mbai she hai ndeva. Iko tykove kyambape, kuaretare heshamba ndyrehe verã maĩnunga porãmba vekua, Ñandeja Jesucristo hykuaĩ oujyapeve,

2 Tesalonicenses 2:15

Hãrã shyryvyre, pyrãtape peĩhe Tũpa hareka avy pyndysarehe apyrỹmboihe vekua, ñee rupii maĩrã mbyparahava rupii, myvãhẽhapeva.

Tito 3:9

Tẽvã ijijokoshi ñeereii vekuare, ñee aryka'evare mbeu vekua hareka Moisés mbypara vekua japoa verã rehe ijakava. Kova mbai reta rãnga mbaivapeã haikavi hareka mbavapeã mboryshu.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

2 Tesalonicenses 1:4

Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

Tito 1:14

Mahẽ roja retakui ñeẽ nohẽãreiva Judio retaivi hareka ñeẽ japoha verã kuareta retaĩ hei vekua añeteva syryshiare.

Tito 1:9

Tantapo'ẽhe ñee añeteva, mbarakua verã jyve yngava arakua kavivapy hareka roja verã yngare ñee ñymbyvaisho'iheare.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

1 Timoteo 4:7

Hãrã mbijiche ndijuhuvi ñee kuareta juru porãmba ryhevare hareka ñeereiva taupe kuakuava mbeuva; kyrãtẽ verã, ñymypyrãtakatu tykove mbijicheava Tũpa pevarãpe.

1 Timoteo 1:6

Tẽvã ĩme'ẽ pynymbytepe syryva kova mbaivi, ñee mbaimba vekuaĩ japo'i.

1 Timoteo 1:4

avy jasakahe ñeereiiva tãkaivi nohẽãva, hareka ñee aryka'evare mbeu vekua opambava ryheva. Kova mbai rãnga opa pirĩmbyvavy ñeepe, jairoja rupii Tũpa potava jajapotẽ verã vekua.

1 Corintios 3:19

Shara Tũpa pevarã ko yvy'ĩãrẽ'õ ãrãndu mba'erãveãshu hai. Kuatia mbyparahava heiva rãĩmi: Tũpa itypy ĩñarãnduvare, ha'ei ñono vekuapy.

Hechos 17:21

Shara opaiteva Atenaspe'iare, hareka tenta yngaivi ouva haipe iko'iare, haire koñeĩ jypykuaa mbeu hareka hendu mbai py'ahuva.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

1 Corintios 2:6

Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

Romano 1:22

Ajemaĩ hei ijehe reta ĩñarãnduva, tẽvã ou mbai'ãĩteve kuaajy reta,

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.