1 Timoteo 6:12 - NandevaBiblia

¹² Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.

1 Timoteo 6:12 Referans Kwoze

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.

1 Timoteo 6:13

Ã'ẽ Tũpa opa mbai mbyhykoveva hỹnonde, hareka Jesucristo hỹnonde hekope kavi ñymbeu vekua Poncio Pilato hỹnonde, airure nde

1 Juan 2:25

Kova hai hei vekua meẽ ñande verã, tykove opambava.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

1 Timoteo 6:19

Kyrãrãpo heta mbai ĩmere ara kutyvejya pevarã, hareka katupo hipity tykove opamba verã.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

Hebreos 13:23

Aipota pikuaa ñandyryvy Timoteo poihamashiva. Narẽãmi vãhẽ ourã, ahapo hãndikui apyryresha verã.

2 Corintios 6:7

ñee añeteva mbe'uha iape, hareka Tũpa ñymbaikatukue ryheve. Ñyrãrõhã verã ñimbivachepe, ohoashu verã, maĩrã, ijochaha ẽvãpe.

Filipenses 1:30

Pee hareka she rãnga ñaĩmeñaĩ penteva ñyhããpeĩ, hokava pyheshama shyrehe, hareka ã'ẽ pyhenduma marãra ãñehããtẽ aha'ai.

1 Timoteo 1:19

reko katu ndijehe jyrojakue hareka pya kavi. Shara ĩme'ẽ mbijiche ijuhuviva pya kyamba, hãme rãnga javy hai jyrojakuepe.

1 Timoteo 4:14

Ñyngarekohe mbai rikatu rijapova Tũpa meẽ nde vekua, Jesús jy'tupao miñaka'iare ipo ñono neãrẽrã vekua. Espiritu Santo kyrã heishu retarã.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,