1 Timoteo 5:6 - NandevaBiblia

⁶ Tẽvã taupe ĩme manoshia vya verãĩ pya mbijetaherã, manoma hykove ryheve.

1 Timoteo 5:6 Referans Kwoze

Santiago 5:5

Piko pente tykove ikokavivape ko yvy'ĩãrẽ, tykove pota pikova rãĩmi ryheve, pee rãnga vakare rãĩmi pimyngyra vãhẽserimatẽva ara jukaha verãpe.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Lucas 15:13

Mbovy aramajyrã tay ndeiveva opa mbaty ĩmerearã mbyry oho, ynga yvype; haipe oho iko'i kuaã japoite verã japo'i porãmba ijyjokombape opa pory hai imere vekuami.

Mateo 8:22

Tẽvã Jesús heishu: Ei shimĩ'ĩrũ, ma'ẽĩhe manovare tiñoty reta hapisha manova.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Lucas 12:19

Haipepo hai shyrykovepe: Nde shyrykove, heta mbai ĩmeryre nãtũava heta ãño pevãrã; putu'u, karu, ñymbyu, vy'a!

Lucas 7:25

Mbaivara akuarã peho pyhesha? Pehora pyhesha pente kuimbai ñimimonde kavi'ia? Pee pikuaa, ñimimonde kavi'ia hareka vy 'ape'ia, huvisha vasu hoo ipi'ia hai.

Lucas 16:19

Ĩmemba'ẽ pente kuimbai iko katuva, mondeava hepyva monde'ia hareka opa'ara japova karu vasu.

2 Timoteo 3:6

Kyrãva reta rãnga mbytavyshu taupe kangyva porãmbape'iare, katumba ijijokova mbai porãmbaivi.