1 Timoteo 4:3 - NandevaBiblia

³ Haire potããpo mbava omendashi, hareka ĩmepo'ẽjy potamba ho'uashiare. Tẽvã Tũpa opaitevamba japo ho'uavare jau verã, hareka pya kavi'õ ryheverã. Opaiteva ñande jairojaheare pevarã japoha hareka jaikuaa añeteva.

1 Timoteo 4:3 Referans Kwoze

1 Timoteo 4:4

Opa mbai Tũpa japova rãnga haikavi, hãrã mba'ety mbaiva ñamomboshi verã, ñandypya haikavi'õ ryheve jaurã.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

Romano 14:6

Hãrã pente ara mbyveteveva ĩrũ araivi, kyrã japo Ñandeja pevarã. Hãma opava hou'iare japo jyve Ñandeja pevarã, shara meẽ jyveshu Tũpa jy'ajetekue; kyraĩ jyve maĩnunga houmbare japo Ñandeja pevarã shara meẽ jyveshu Tũpa jy'ajetekue.

Colosenses 2:16

Hãrã avy mbava tijeta porãã pyndyrehe peuva hareka pimbyuva rehe, maĩrã maĩnunga mby'areteavare, maĩrã jasy py'ahuvare, maĩrã putu'uava jy'arare.

1 Corintios 8:8

Ha'ẽã rãnga jauva rupii Tũpa ñanymyvãhẽ verã, shara ha'ẽã jakarujairã haikavivejaiva maĩrã jakaruãrã porãmba'eitejaiva.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

1 Corintios 7:28

Tẽvã omendava japoãpo mbai porãmba, pente kuiñataĩ omendarã, japo'ãĩ jyve mbai porãmba. Tẽvã omendamavare hetapo hasa porãmba vekua, hokava aipotãã pyhasa.

Romano 14:3

Haikavi opava mbai houva, ha'eã mymorãmba verã kyrãva maĩnunga houmbaa hareka houmbavare ha'eãjy ijetareiihe verã opa mbai houva, shara Tũpa jyvacheĩ myvãhẽshu.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Mateo 15:36

hãrã heky 7 pãhã hareka pira, jurure Tũpa ohovasa verã. Haivi pysẽã meẽ mboirea retape, haire memẽeshu opavape.

Mateo 14:19

Opa mbyvapyka reta kapi'atarerã, haipe heky pandepo pãhã hareka mokue pira, maĩ vaterã jurureshu Tũpa ohovasa verã. Hãrã pyseã pãhãrã meẽshu mboirea retape, meẽ verã opavape.

Hechos 27:35

Pablo kova mbai heirã, pysy pãhãrã jurure'ĩãrẽ opavare hỹnonde. Haivi pyseãrã hou.

Juan 6:23

Tẽvã ĩme'ẽjy yngava kanoare vãhẽ ouva tenta Tiberiaivi, pãhã hou jyre vekuape hyvache hareka Ñandeja ñymboi ĩãrẽrã.

Lucas 24:30

Vapyma ñynoĩ hãndi mesaperã, heky pãhã, ohovasarã pysẽã meẽshu reta.

Mateo 15:11

Kuaretare juruipi icheva myngy'ããshu, juruivi õhẽvãĩ myngyashu ñee porãmba vekua.

1 Timoteo 5:14

Hãme rãnga aipota ynga rekojy taupe ĩme manoshia kuñataĩteriare, tymemby hareka tingareko kavihe hoo, mahẽ ñanymorãmba'iare ijeta porãã'ihe retakui.