1 Timoteo 4:13 - NandevaBiblia

¹³ Ahapeve, iko mbijetashu kuaretare Tũpa ĩñee, mboihe hareka mykyrẽyshu reta.

1 Timoteo 4:13 Referans Kwoze

Hechos 6:4

Kyrã ore jururehapo hareka pyrymbo'ehateripohe Tũpa ĩñee.

Tito 2:15

Hỹnatu ñimiñeehe kovare, rỹmykyrẽỹ hareka rỹmbyhaikavi verã kuaretare. Avy heja mbava timbyhory ndyrehe.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

1 Corintios 14:6

Hãrã shyryvyre aha peĩvãperã, aijetape ñee yngaivaperã, mbaivaperapo haikavipekui, Tũpa heshakava rupiiã aijetaperã, maĩrã ãrãndu rupii, maĩrã ñee iko verã Tũpaivi ouvare, maĩrã arakuaa rupii?

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

2 Timoteo 3:15

Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.