1 Timoteo 3:7 - NandevaBiblia

⁷ Tekotẽvẽ ijetaha kavijyvehe Jesús jyrojambaterihevare mbytepe, mahẽ ijetaha porããhe hareka oakui Ãña ñonovapy.

1 Timoteo 3:7 Referans Kwoze

2 Corintios 8:21

Õñehãã rãnga haikavi japoha maĩnunga, ha'ẽã Ñandeja hỹnondeĩ, kuaretare hỹnonde jyve.

2 Timoteo 2:26

kyrã sareko verãre hareka ñemijyshi verãre Ãña mykatyrõ'õ pysy verã, hareka hai pota japovaĩma japohe verãre.

Colosenses 4:5

Ãrãndupe piko hãndi Cristo jyrojambaterihevare, pipory kavi hoka ara pijetashu verãre.

1 Timoteo 6:9

Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

1 Tesalonicenses 4:12

Kyrãrãpo mbai vasuva rãĩmi pindijapo haimba ñandyryhevare, hareka ĩmeñoĩpopyre maĩnunga.

2 Corintios 6:3

Mbavapeã ijyheshahaka porãã, moã mbava poi jyroja japohava reherã hareka potãã japohava porã ijetaherã.

1 Corintios 10:32

Avy porãmba pyheshakashu Judio retape, Israelitamba retape, maĩrã Tũpa jytũpao ryheva.

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Tito 2:8

pyrỹmbo'eahea kapyryva rupii, mbavamba porãmba hei verã. Kyrãrãpo, ñymbyvaisho ndyreheva ñymymarãkakui, vãhẽãposhu porãmba hei ñandyrehe verãre.

Tito 2:5

ñakavapy verã, heko kyamba verã, tingarekokavi hentape, pyakavipo reta hareka ĩmere ĩñeereĩpo iko reta, mbavamba ijeta porãmbahe verã Tũpa ĩñee.

1 Tesalonicenses 5:22

Pijyhekyshi opaite mbai porãmba vekua.

1 Timoteo 5:14

Hãme rãnga aipota ynga rekojy taupe ĩme manoshia kuñataĩteriare, tymemby hareka tingareko kavihe hoo, mahẽ ñanymorãmba'iare ijeta porãã'ihe retakui.

1 Corintios 5:12

Ẽẽã she ambivacheka verã haimba Ñandeja ryhevare, Tũpa rãngapo mbivacheshu retakui. Tẽvã peemapo pimbivacheka pyndyryhevare;

Hechos 22:12

Haipe ẽẽ pente kuimbai Ananías he'iashua, kuimbai pyryparekova Tũpa haihuva hareka Moisés mbypara vekua heiva japoñoĩ'ia, hareka opaite Judiore ijeta kavihea Damascope'õre.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Marcos 4:11

Jesús heishu reta: Pee rãnga ñemiãpe'õ Tũpa ẽvãpe'õ ryheva pynymbykuahaka, tẽvã yngavare mbe'uashu reta ñee ñymyhã'ãnga rupii;

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.

1 Timoteo 3:6

Hãme rãnga ha'eãpo hãirãã jyrojava, shara katu jyrojaite ijeherã, oajy vekui Ãña oava rãĩmi.