1 Timoteo 3:2 - NandevaBiblia

² Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

1 Timoteo 3:2 Referans Kwoze

2 Timoteo 2:24

Hãrã pente Ñandeja jokuerea katuãpo iko ñyrãrõpe, opava retapo pya kavi hãndi, katupo pyrỹmboi hareka hãrõ kuaapo,

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

1 Timoteo 5:9

Taupe ĩme manoshia ñonoã verã hee kuatiape, rekopo 60 ãño hareka penteva kuimbai hyrekokuepo.

1 Pedro 4:9

Pymyvãhẽkavishu yngavare pynyrẽtape, avy pijeta porããhe.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

Hebreos 13:2

Avy pyndysarehe pymyvãhe kavi verã ohovare pynyrẽntape, shara ĩmemba'ẽ kuambape myvãhẽva Tũpa jokuevare.

Tito 2:2

Kuakuavare mbai hekopeñoĩpo japo reta, japo kavipohe yngavare hareka ñakavapy verã, tanta jyrojava, jyhaihukuepy hareka jepyhe verã jyhasa'asy.

Filipenses 2:15

Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

1 Timoteo 4:3

Haire potããpo mbava omendashi, hareka ĩmepo'ẽjy potamba ho'uashiare. Tẽvã Tũpa opaitevamba japo ho'uavare jau verã, hareka pya kavi'õ ryheverã. Opaiteva ñande jairojaheare pevarã japoha hareka jaikuaa añeteva.

Lucas 1:6

Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

Lucas 2:36

Haipe ẽẽ jyve pente taupe kuakuamava Tũpa ĩñee mbeu'ia Ana he'iashua, Penuel tajy, Aser ñymoña hãndiare. Kuakuamava; Kuñataĩ ray ryheve omendava, 7 ãño ĩme iko'i hãndiva,

1 Timoteo 3:8

Kyrãĩpo jyve tũpaope pyrỹmbory'iare diácono he'iashuvare, heko kavipo, ĩñee pyrõmbahea, hareka ka'ũãpo, potããpo kyrypoti hekope kavimba'õ.

1 Timoteo 3:12

Diaconore penteĩñoĩpore hyrekore, hareka miñaka kaviposhu hĩjapore hareka hentape ẽẽ hãndiare.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

1 Timoteo 5:22

Avy are'ãĩte ñono ĩãrẽ ndepo rỹmbyhee verã tũpaope mba'apo verã, ndypya rĩmbijeta kavimba terivape. Avy mi'ĩrũhe mbai porãmba japo'iare. Ñyngareko ndijehe ndykove kyamba verã.