1 Timoteo 3:16 - NandevaBiblia

¹⁶ Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Timoteo 3:16 Referans Kwoze

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Lucas 24:4

Opa kyje retarã kuaã mbaivarapo japo reta, hãrã haipe ijeshakashu reta mokue kuimbai mondea opa hĩmbipeva;

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

1 Juan 1:2

Tykove ijeshaka hareka ore heshaha, hai mbe'uha jyvepe tykove opambava ryheva Tuu ẽẽ hãndiva hareka ijeshaka ore vekua.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Lucas 22:43

Haipe ijeshakashu pente Tũpa jokueva vate araivi ouva, mỹpyrãntashu verã.

Mateo 3:16

Jesús ñymyngaraimarã, yyvi õhẽrã jypeashu ara vate'õ, haipe Jesús hesha Tũpa Espiritu, pykasu rãĩmi vejy ĩãrẽ.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

1 Timoteo 3:9

Natupo reta añeteva kuaahambaa jyrojakue ryheva hareka pya kyambape.

Juan 20:12

Hãrã hesha mõkue Tũpa jokueva mondeva tĩĩ kaviva, vapy ñynoĩ Jesús hete ñonõha vekuape; pente ñaka kyty hareka ĩrũ tyma kyty.

Mateo 1:23

Ko kuñatãi ndei kuimbai pokohea memby kuimbaipo. Hãrã hai heerãpo “Emanuel” he'iseva: “Tũpa ẽẽ ñanendie”.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

Hebreos 7:7

opaiteva jaikuava rãĩmi maĩkavi pyryreheva mbaivasuveshi ma'ẽãkaviheva.

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Galatas 2:8

Tũpa mondova Pedro apostolrã ñimiñee verã Judio retape, shymondo jyve ãñimiñee verã haimba Judio retape.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Hechos 10:34

Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Lucas 24:51

Ohovasa teri'ẽshua retapeĩ syry ohoshi retarã rahaha vate arape.

Apocalipsis 17:7

Haipe Tũpa jokueva heishe: Marã'ĩrãra mbyry rỹmaĩ? Ãmbeuponde mbaivara he'ise ko jaikuambava ryheshava, haiponde mbavara ko taupe, hareka mbavara hai mymba ñarõva 7 ñaka'ia hareka 10 ijuu'ia opo veruhea.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Hebreos 8:1

Mbai vasuveva opa mbai ja'evaivi rãnga hai kova, imẽjare pente pai vasu vate arapy'ẽvã, vapy'ẽva Tũpa vapy'õpe jakata kyty,

2 Tesalonicenses 2:7

Shara ãñete ñemiãpeĩ heko porãmba'ia mymba'apokama'ẽ ñymbaikatukue; koñeĩ hãrõ syryshi verã mbyteivi jocha'õ.

2 Tesalonicenses 1:10

Ñandeja oujymarã hokava ara hai ña'ãpovare õmombaivasu verã hareka mbyrymaĩhe verã opaite jyrojaheare. Shara pee pyroja ore mbe'uhapeva.

Hechos 1:19

Opaite Jerusalenpe kuama retarã hãrã akua yvy mbyhee reta Aceldama Israelitare ĩñeepe heiva: “Ñu tuvy rẽnda”.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?

Lucas 2:32

Sape mykõĩhe verã haimba Judiore, hareka nyrẽta Israel mihimbipe verã”.

Marcos 16:5

Ichema reta ita jo'oa vekua hapyperã, hesha reta jakata kyty kunumi mondea tĩĩva pukuhea vapy'ẽ; haipe taupere opa kyje japyraha.

Marcos 1:13

Haipe pyta 40 ara, hai iko mymba ñarõvare mbyteipi, hareka Satanas pyahããshu, hãma Tũpa jokuevare ou mboryshu.

Mateo 28:2

Hãrã sapy'ãi hỹnatu yvyryry shara pente Ñandeja jokueva vejy mbysyry verã tã'õve rẽnda jochapya, hãma vapy'ẽ ĩãrẽ.

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Mateo 4:11

Hãrã Ãña syryshi Jesús, haipe Tũpa jokuevare jyveru ñyngarekohe verãre.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Romano 3:4

Kyrãã rãngapo! Ajemaĩpo kuaretare japu, Tũpa añetevañoĩ hei. Shara Mbyparahavape hei: “Opaitevapo kuaa añetevañoĩ rereva. Hãrã rẽhe kavipo nimbivachehaka'ẽrã”.

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

2 Corintios 1:19

Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

Lucas 20:44

Marãrapo Cristo David tay, ko David teiva heishu “Sheja”?