1 Timoteo 3:15 - NandevaBiblia

¹⁵ kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

1 Timoteo 3:15 Referans Kwoze

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Mateo 16:16

Simón Pedro heishu: Nde hai Cristo, Tũpa tay hykove'ia.

Romano 9:26

Haipe he'iashua retape: Pee ha'ẽã shyrẽta ĩrũre, he'iaposhu retakui Tũpa hykove'ia tayre”.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Mateo 18:18

Añeteva hai pee, pee piñapintiva ko yvy'ĩãrẽ, ñapintiãpo jyve vate arapy, hareka pee pijora ko yvy'ĩãrẽva jorahapo jyve vate arapy.

Apocalipsis 7:2

Haivi aheshajy ynga Tũpa jokueva kuarasy ohẽaivi õhẽ ouva, ĩmerea Tũpa hykove'ia isello, hãrã hỹnatu sapukeshu urũndy Tũpa jokuevare mbaikatu me'ẽãshu vekuare porãmba japohe verãre yvy hareka yyvasure:

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

1 Timoteo 4:10

Ha'erãveĩ rãnga ñamba'apo hareka ñañehãã ñandijehe he'iha'i ñandeape, shara jairojahe Tũpa hykove'ia, hai hokava opava retape mondojepe verã, tynondeite'ẽ opaite jyrojaheare.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Efesios 4:21

Pee rãnga pyhendushi, hareka pirojaherã rehe pynymbo'eha kavihe vekua, haiva Jesús ryheva añeteva.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

Hechos 14:15

Kuimbaire, marã'ĩrãra kova pijapo? Ore rãnga kuareta peeva rãĩmi jyve ouha peveĩ rãnga veruhape verã Ñee kaviva, pijyhejama verã mbaimba vekuaivi, hãrã pijerejy verã Tũpa hykoveva jykoty, japo vekua ara, yvy, yyvasu hareka opaite ẽpyare.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

2 Timoteo 2:20

Pente oo tivisha'õ ipe, ha'eã ẽẽva maĩnunga ita verava ijuva hareka ita verava tĩĩva, ĩme'ẽ jyve maĩnunga yvyraivi hareka tujuivi japohava, pentevare hai mbai haikavivapẽĩ poryhava, hareka ĩrũre hai ĩmerãẽva'õpeĩ poryhava.

1 Timoteo 3:5

Hãma hai katũã miñaka kavi hentape iko hãndiarã, marãirapo miñaka kavijy Tũpa jytũpaope?

2 Corintios 6:7

ñee añeteva mbe'uha iape, hareka Tũpa ñymbaikatukue ryheve. Ñyrãrõhã verã ñimbivachepe, ohoashu verã, maĩrã, ijochaha ẽvãpe.

2 Corintios 3:3

Ijyhesha kavi rãnga pee haiva Cristo jykuatia, ore japoha vekua, haimba tintape mbyparahava, Tũpa hykove'ia jy Espiritupy japohava rãnga, ha'ẽã itare mbyparahava, koñeĩ kuaretare pyape.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

1 Corintios 10:32

Avy porãmba pyheshakashu Judio retape, Israelitamba retape, maĩrã Tũpa jytũpao ryheva.

1 Timoteo 3:14

Ãharõ areã aha aryresha verã, tẽvã opaite ambypara nde

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

Hebreos 10:21

Hai rãnga ñandy pai vasu, ñyngareko'ẽhe Tũpa hoo.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?