10 Hãma tekotevẽpo ma'ẽãkavirãnihe, mba'ety porãmba he'iahe verã retarãpo, katu ñonoha diaconorã.
Avy are'ãĩte ñono ĩãrẽ ndepo rỹmbyhee verã tũpaope mba'apo verã, ndypya rĩmbijeta kavimba terivape. Avy mi'ĩrũhe mbai porãmba japo'iare. Ñyngareko ndijehe ndykove kyamba verã.
Diaconorã'iare hekope kavi mba'apova, mandu'a kavihe, hareka mymorãhapo, rojahapo Cristo jyrojaheva.
Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.
Hãme rãnga ha'eãpo hãirãã jyrojava, shara katu jyrojaite ijeherã, oajy vekui Ãña oava rãĩmi.
Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.
Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.
Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.