1 Timoteo 1:4 - NandevaBiblia

⁴ avy jasakahe ñeereiiva tãkaivi nohẽãva, hareka ñee aryka'evare mbeu vekua opambava ryheva. Kova mbai rãnga opa pirĩmbyvavy ñeepe, jairoja rupii Tũpa potava jajapotẽ verã vekua.

1 Timoteo 1:4 Referans Kwoze

Tito 3:9

Tẽvã ijijokoshi ñeereii vekuare, ñee aryka'evare mbeu vekua hareka Moisés mbypara vekua japoa verã rehe ijakava. Kova mbai reta rãnga mbaivapeã haikavi hareka mbavapeã mboryshu.

Tito 1:14

Mahẽ roja retakui ñeẽ nohẽãreiva Judio retaivi hareka ñeẽ japoha verã kuareta retaĩ hei vekua añeteva syryshiare.

1 Timoteo 4:7

Hãrã mbijiche ndijuhuvi ñee kuareta juru porãmba ryhevare hareka ñeereiva taupe kuakuava mbeuva; kyrãtẽ verã, ñymypyrãtakatu tykove mbijicheava Tũpa pevarãpe.

2 Timoteo 4:4

Henduãpokui pyrỹmbo'eahea añeteva hareka ñeereiva tãkaivi nohẽã vekuãĩpo hẽnduve reta.

2 Pedro 1:16

Shara pynymbo'ehãhe Ñandeja Jesucristo oujy verã opaite ñymbai katukue ryhevarã, ha'eã ñeereiva rupii yrỹmbaikuaa rupii nohẽãva, koñeĩ oreteiva yryresa rupii heshaha Jesucristo ñymbaikatu.

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

2 Timoteo 2:14

Mymandu'akajyhe reta kova, hareka ereshu reta Tũpa hỹnonde ỹteñoma ñeereiire ijaka verãre, shara myporãã hokava henduvare pevarã.

2 Timoteo 2:22

Syryshi porãmba kunumire japoseva hareka heka teko jyvache, jyrojakue, jyhaihukue hareka pyavapy, hãndi opaite pya kyamba ryheve Ñandeja õmombai vasu'iare.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Efesios 3:2

Shara katu pyhendutẽvã Tũpa meẽsheva ajapo verã, jyhaihukue rupii amba'apo verã pynypãũpe.

2 Timoteo 2:23

Avy jasakahe ñe'ẽkuereire hareka mbaimba vekua, nde rikuama hokava veru ñyrãrõ.