1 Timoteo 1:15 - NandevaBiblia

¹⁵ Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Timoteo 1:15 Referans Kwoze

Marcos 2:17

Jesús hendu hokavarã heishu reta: Mambaimba'ia ikotẽveãhe pyrỹpỹhãno'ia, koñeĩ ñymbairasy'ivaĩ. She aiã ãhẽno heko kavivape, koñeĩ mbai porãmba japo'ia retaĩ.

Lucas 19:10

Shara Kuareta Tay ou heka hareka mondojepe verã kañy vekuare.

Juan 12:47

Ĩme'ẽ shiñee hendutẽva japombavarã, sheeãpo ajahehe. Shara she aĩã ko yvy'ĩãrẽ ajahehe verã kuaretare, koñeĩ she ai amondojepeshu verãre.

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

Lucas 5:32

She aiã aheno heko kavivape, heko porãmba'ia retapei, oujy verãre Tũpa kyty.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

1 Timoteo 4:9

Kova rãnga hai ñee añeteva hãrã opavare katu roja.

Romano 5:6

Shara katumba jahajepevape, jy'arape kavi Cristo manomba ñandyre ñandyreko porãmbava.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

1 Timoteo 3:1

Kova hai ñee añeteva: Ĩme'ẽ pota mbai miñaka'iarã, ãñete mbai haikaviva pota japo.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Apocalipsis 22:6

Tũpa jokueva heishe: “Kova ñee hai añetevare hareka katu jairojaheva. Teja rãnga hai meẽ vekua Espiritu Tũpa ĩñee mbeu'ia retape, mbou hai jokueva mbyheshaka verã jokuerea retape ikoserimava”.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

2 Timoteo 2:11

Ãñete rãnga hai kova ñee: Ñamano hãndirã, jaikopo hãndikui,

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

1 Juan 5:11

Hareka kova hai ñee: Tũpa meẽ ñande tykove opambava hareka hokava tykove ẽẽhe Tayre.

1 Timoteo 1:19

reko katu ndijehe jyrojakue hareka pya kavi. Shara ĩme'ẽ mbijiche ijuhuviva pya kyamba, hãme rãnga javy hai jyrojakuepe.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 11:1

Apostol reta hareka opaite ñandyryvyre Jesús jyrojahea Judeape'õre, hendu mãrãra haimba Judiore myvãhẽ jyve Tũpa ĩñee.

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Romano 11:14

Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

1 Timoteo 6:13

Ã'ẽ Tũpa opa mbai mbyhykoveva hỹnonde, hareka Jesucristo hỹnonde hekope kavi ñymbeu vekua Poncio Pilato hỹnonde, airure nde

Mateo 18:11

She Kuareta tay rãĩmi aiva ko yvy'ĩãrẽ, ai ãnohẽ opavape mbai porãmbape jeky verã.