1 Timoteo 1:13 - NandevaBiblia

¹³ Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

1 Timoteo 1:13 Referans Kwoze

Hechos 8:3

Tẽvã Saulo haipe opa momohẽ Tũpare jyrojavare hareka henta retaipitei iche oho, nohẽ mbytyryry kuimbaire hareka taupere raha mbyperesoka verã.

1 Pedro 2:10

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Hebreos 4:16

Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.

Hechos 3:17

Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

1 Timoteo 1:16

Tẽvã Tũpa shypareko, Jesucristo heshaka shyrehe verã tynonde ñyharõkuaa hareka shypory verã ma'ẽãhe verã rãĩmi opaite jyrojahe verãre pevarã, hipity verã jyve tykove opambava.

Filipenses 3:6

Shapuiteherã, tũpaore amoña'are, hareka Moisés mbypara vekua rupii ajaporã, mba'ety mbava mbai heishe verã.

Galatas 1:13

Shara pee pyhenduma marãra she aiko aryka'e Judiore aharã, marãra Tũpa ryhevare amoña'ai pyrãtape hareka ikohahe mbaia verã.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

1 Corintios 7:25

Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.

Hechos 22:4

Japoma heta ara amoña'ai ko tapehupi ohovare, ajuka verã hareka araha ambyperesoka kuimbaire hareka taupere.

Hechos 9:5

Saulo hei: “Mbavara nde, Karai?” Ñee vateivi ouva heishu: “She hai Jesús, nde rymoña ryreva.

Hechos 9:1

Saulo potañoĩ opa juka Ñandeja mboireare. Hãrã oho pai juhuvisha'õpe,

Lucas 12:47

Hãma ko jokuehareirea kuaa kavi mbaivara oo ija pota, tẽvã õĩkaviã hareka japoãshu ĩñe'ẽrã, hetapo nupãhã.