1 Timoteo 1:10 - NandevaBiblia

¹⁰ Omendape kyrãrãi'iare hareka kuimbai jytaupe'iare, pirĩñomi'iare, japuvare hareka ĩñee meẽrei'iare pevarã. Kyrã Moisés mbypara vekua ẽẽ opa mba'e mbai porãmba japova pevarã hareka puãheva pyrỹmbo'eahea haikaviva.

1 Timoteo 1:10 Referans Kwoze

2 Timoteo 4:3

Shara vãhẽpokui ara kuaretare henduseveãma verã pyrymbo'eaheva mambaimbava, koñeĩ ha'eire potava rãĩmi, haire hekapo ynga pyrỹmboi'ia mboi verã ha'eire kyrẽy henduva.

Romano 1:26

Hãme rãnga, Tũpa hejashu reta haire potava pyrỹmymarãkavape, ñukuña retave ñateỹ iko hãndi kuimbaire, koñeĩ pota iko hãndi yngava taupere.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.

Tito 1:9

Tantapo'ẽhe ñee añeteva, mbarakua verã jyve yngava arakua kavivapy hareka roja verã yngare ñee ñymbyvaisho'iheare.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.

2 Timoteo 1:13

Rehoĩpohe kyrã, pyrymbo'eaheva haikavivape, arỹmboiheva rãĩmi, jyrojakuepe hareka jyhaihukuepe ĩmejareva Jesucristo rupii.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Tito 1:13

Añeteva hei; hãrã poshy ryheve ereshu reta, tantangãtu ñynoĩ verã jyrojakuepe.

Apocalipsis 18:13

kanela hareka timbiu mbipisheka, asaite mbipisheava, mirra, mbai pishekatuvare, vino, asaite, avati ku'i hareka trigo; mymbare avisha, kavajure, hareka karetare, jokueharea retave hareka ñyrãrõpe pysyavare.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.