1 Tesalonicenses 3:8 - NandevaBiblia

⁸ Kuaahama tãnta pirojahe Ñandejarã, ñanduhajy pyrãtakue ikohaĩteri'i verã.

1 Tesalonicenses 3:8 Referans Kwoze

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

Apocalipsis 3:11

Aijyserima. Ñyngarekokavihe ĩmeryreva, avy mbava typyhỹrõ ndyhevikui mbai tankare ñonoava iju verava.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

Filipenses 1:21

She pevarã shykove hai Cristo, hãrã amanorã haikavitevemapo ãĩkui.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Juan 15:4

Pẽĩkatu shyrehe, hãrã she'ãĩpo jyve pyndyrehe. Shara uva hãkãkuereii katuãpo ia jypyre ẽ'ẽãrã; kyrã jyvepe peĩã shyreherã katuãpo mbai pijapo.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Juan 8:31

Jesús heishu Judio jyrojaheare: Pijapo katu shiñeerã, ãñeteĩtepo haipekui amboi'areare.

1 Tesalonicenses 3:7

Hãrã, shyryvyre opaite yrypya vyamba hareka mbai hasyva mbytepe, yrypya kavi õĩha kuaahama pee tãntapẽĩ pirojakueperã.