1 Tesalonicenses 1:5 - NandevaBiblia

⁵ Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Tesalonicenses 1:5 Referans Kwoze

Marcos 16:20

Hãrã haire oho mbeu Ñee kaviva oparupi, Ñandeja Jesús mboryshu reta, hareka my'ãñete ĩñee mbaikavi heshaha verã mĩ'ĩrũvare rupii. Amén.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

1 Corintios 4:20

Shara Tũpa ẽvãpe'õ ryheva, ha'ẽã ñee rupiñoĩteva, mbaikatukue ryheve rãnga jyve.

Efesios 3:20

Hãrã ã'ẽ, toñemombai vasu Tũpa ñymbaikatuva japo verã hetaiteve hoka ñande jairureva maĩrã ñaĩmoãtẽva, hareka ñymbaikatukue rupii heta japo mbai kavi ñandypy.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Hechos 11:21

Ñandeja ñymbaikatukue ẽẽ hãndi retarã, hetamba'ẽ rojavare hãrã hejava heko arykaiva rojava, haivi jyrojajyva Ñandeja.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

2 Timoteo 2:8

Nymanduahe Jesucristo, manovare paũvi puãjy vekua hareka David ñymoña hãndi vekua, kyrã rãnga hei ñee kavi ambeu aiva,

Filipenses 4:9

Pijapo katu she apyrỹmboihe vekua hareka ahejapeva pijapo verã, opaite pyhendu hareka pyhesha shyreva ajapo vekua; kyrã pijapo hãrãpo Tũpa pya kavikue ẽẽ penendiekui.

2 Pedro 1:10

Hãrã shyryvyre, piñyhããpo tantakavive pypyta Tũpa pynyrẽno hareka pynypyhỹrõvape, kyrã pijaporã mbaivapeãpo peajykui.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

1 Corintios 3:6

She rãnga ãñoty, hãrã Apolo maky jyve, hãma Tũpa mupũã ñotyãva.

1 Corintios 1:24

Tẽvã Tũpa hẽnovare pevarã Judiore, maĩrã, Griegore, Cristo hai Tũpa ñymbaikatukue hareka ñymbaikuaakue.

Romano 2:16

Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.

Hechos 16:14

Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

2 Pedro 1:19

Kyrã rekoha hokava ñee Tũpa ĩñee mbeu'iare mbeu vekua, pyrãtakavi'õ hareka haikavipo pijasaka kaviherã. Kova hai mbai sapekava rãĩmi pyntuape sapeva, kõĩma ourãpeve hareka jasytata koĩ kyty jykuava õhẽpeve sape verã pyndypyape.

1 Pedro 5:3

Avy pingareko peĩhevare pikoshu ijarã rãĩmi, piñyhãã tyheshaa pyndyrehe mbaikavi pijapova.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Lucas 1:1

Heta'ẽ oñehãã hendape kavi ñonova arykai mbai añeteva ỹrymbytepe iko vekua,

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

1 Corintios 9:14

Kyrã he'ikajyveshu Ñandeja opaite Ñee kaviva mbeu'iare, hokava pijapovapei piko jyve.