1 Tesalonicenses 1:1 - NandevaBiblia

¹ Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 1:1 Referans Kwoze

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Corintios 1:19

Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

Hechos 19:22

Hãrã mondo mokue mborysereare Macedoniape, Timoteo hareka Erasto, hai pytave teri ẽẽ Asiaperã.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Hebreos 13:23

Aipota pikuaa ñandyryvy Timoteo poihamashiva. Narẽãmi vãhẽ ourã, ahapo hãndikui apyryresha verã.

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

Colosenses 1:1

She Pablo, Jesucristo Apostol, Tũpa potava rupii ñandyryvy Timoteo hãndi,

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Efesios 1:2

She airureshu Tũpa, Ñanderu hareka Ñandeja Jesucristo, tymeẽpe pya kavikue hareka pyavapy.

Galatas 1:22

Akua arape, tũpao Cristo ryhevare Judeape'õre shykuaãteri reta.

Galatas 1:2

She hareka opaite ñandyryvyre pynymarãndu pee tũpao reta Galaciape peĩva.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Hechos 16:29

Haipe veruka pente sapepy verã, ñani oho oo hapype, opa ryryrã ĩñesu Pablo hareka Silas hỹnonde.

Hechos 16:25

Tẽvã pyhare mbytepe Pablo hareka Silas ñymboiñynoĩ retarã hareka pyraheshu reta Tũpa, haipe ĩrũ mbyperesoareare jasaka ñynoĩhe reta.

Hechos 16:19

Kova kuñataĩ jokuereare heshama katuveamapo kyrypoti heky retarã, pysy reta Pablo hareka Silas, hãma raha huvishare hỹnonde, plazape.

Hechos 15:40

hãma Pablo pyhỹrõ jyve Silas. Haipe Jesure jyrojavare ñonoshu reta Ñandeja ipoperã, jyrahajy,

Hechos 15:27

Hamẽ rãnga mondoha Judas hareka Silas, haire mbeu kavipe verã mbyparahapeva.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.