1 Pedro 5:3 - NandevaBiblia

³ Avy pingareko peĩhevare pikoshu ijarã rãĩmi, piñyhãã tyheshaa pyndyrehe mbaikavi pijapova.

1 Pedro 5:3 Referans Kwoze

2 Tesalonicenses 3:9

Ajemaĩ ẽẽte ore jurureharã yrỹmboryñoĩpi verã, tẽvã mba'apohaĩ ho'uava vãhẽhashu verã, kyrã heshahakape, ikohava rãĩmi piko verã jyve.

Filipenses 3:17

Shyryvyre, piko katu she aikova rãĩmi, hareka pymaĩjyhe kyrã ikovape, pikuaa jyveshi ore ikohava me'ẽhapeva rãĩmi ikovare.

2 Corintios 1:24

Ha'ẽã pota ñimbi'ijahahe pirojakuerã, potaĩ rãnga pymboryha pyvya verã; shara pirojakue rupii tãnta pitasopeĩ.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Filipenses 4:9

Pijapo katu she apyrỹmboihe vekua hareka ahejapeva pijapo verã, opaite pyhendu hareka pyhesha shyreva ajapo vekua; kyrã pijapo hãrãpo Tũpa pya kavikue ẽẽ penendiekui.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

1 Corintios 11:11

Tẽvã Ñandeja rehe, kuimbai ikoã taupembape, kyrãĩjy taupe ikoã kuimbaimbape.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

Juan 13:15

She aheshakamape, ajapova rãĩmi pijapo verã jyve.

1 Tesalonicenses 1:7

Hãme rãnga iko pyndyhevi heshaha verã opaite Jesucristo jyrojahevare pevarã ikova tenta Macedonia hareka Acayape.