1 Pedro 5:2 - NandevaBiblia

² Pingarekohe Tũpa jy'avishare, pepope ñonohavare. Pijapo kavi kova Tũpa potava rãĩmi, pinimiñerãhamba'iape hareka kyrypoti pipotambape.

1 Pedro 5:2 Referans Kwoze

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Timoteo 3:8

Kyrãĩpo jyve tũpaope pyrỹmbory'iare diácono he'iashuvare, heko kavipo, ĩñee pyrõmbahea, hareka ka'ũãpo, potããpo kyrypoti hekope kavimba'õ.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

1 Corintios 9:7

Ĩmera'ẽ syndaro jykyrypotivi karu'iva ijokuekateri'ẽrã? Mbavarapo uva rẽndaivi ho'uã i'akue? Mbavara avisha ñyngareko'ihea houmbashia ñykamby ñamirãme?

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Filemon 1:14

Tẽvã mba'eãteripo ajapo ndeiteri ambeundevape, nymymba'apokamba verã airurendeva.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Romano 1:15

Hãme rãnga shykyrẽ'yĩte aha ambeu jyvepe Ñee Kaviva Romapepeĩva.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Hechos 20:29

Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.