1 Pedro 4:2 - NandevaBiblia

² pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Pedro 4:2 Referans Kwoze

1 Pedro 1:14

Tyrayre ñee henduvare rãĩmi, avy pikojy arykai Tũpa ndei pikuarã vekua rãĩmi.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Romano 6:11

Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Romano 14:7

Mba'ety ñanymbytepe ijupii pevarã hykove'ia, kyrãĩjy mba'ety ijupii pevarã manova.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Marcos 7:21

Shara kuareta pyaivi õhẽ porãmba pya mbijetava, omendava ynga mãĩ'ijyhea, omendambape jyrekova, purukava,

Marcos 3:35

Opaite japoshuva Tũpa potava, hai reta rãnga, shyryvy, shiindy hareka shesy.

1 Juan 2:17

Kova yvy opa oho'i opaite poramba vekuare ryheve, tẽvã Tũpa potava japo'iare, ikopo opa ara pevarã.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

1 Tesalonicenses 5:18

Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Efesios 5:17

Avy piko pya mbijetambare rãĩmi kuambaa mbaivara iko, pikuaapo jyve mbaivara Ñandeja pota.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Juan 1:13

Ha'eã turuvy hareka tyroo potava rupii oavare; ha'eãvãĩjy kuareta potava rupii, Tũpaivi oava reta rãnga hai.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 3:3

Pee rãnga pymanomatẽ arykai piko vekua rãĩmĩ, hareka ã'ẽ tykove py'ahu pyrekova Cristo hãndi, natu'ẽpe Tũpa pee pevarã.

Mateo 20:4

Hãrã heishu reta: “Pekuã pymba'apo jyveshu uva rẽndape, hekope kavipo ãmbyhepypekui”. Hãrã haire opa jyraha.