1 Pedro 4:14 - NandevaBiblia

¹⁴ Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

1 Pedro 4:14 Referans Kwoze

1 Pedro 3:14

Tẽvã pyvy'apo pyhasa'asypi mbai hekope kavi'õ pijapopirã, hãma avy pykyjeshi reta hareka pynymyngyje,

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

Juan 15:21

Opaite kova mbai japoñoĩpo pyndyrehe reta she rehe, shara kuãã reta shymbou vekua.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

Hechos 13:45

Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

Hebreos 11:26

Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Galatas 1:24

Hãrã õmombai vasu reta Tũpa shara Hai yngai japojy shykove.

Juan 9:34

Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.

Juan 9:28

Hãma Judiore juhuvisha hehei jyreshu hareka heishu reta: Nde rãngapokui hoka kuimbai mboire verã. Moisés mboire vekua rãnga ore.

Juan 8:48

Hãma Judiore heishu Jesús: Añeteva rãnga he'ia, he'ia nderã, nde hai Samariape'õ, hareka mbaiposhy ĩmeryre.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

2 Pedro 2:2

Hetapo'ẽ mi'ĩrũvare hekokyava haire rãĩmi, hai reta reheĩ ijeta porããpohe pee añeteva.

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

2 Corintios 4:10

Rahahañoĩ yryretere Jesús ñymanokue, kyrã Jesús hykovekue ijeshaka verã jyve yryretere.

2 Corintios 4:16

Hãme rãnga ñymate'ỹhããhe, ajemaĩ kova yryrete tuja oho'i, tẽvã yrykove opa ara ñymbypy'ahuve oho Jesús rupii.

1 Pedro 4:16

Tẽvã hasa'asy Cristo jyrojaherã rehe, avypo mymarã; koñeĩ typyraheshu Tũpa kova rehe.