1 Pedro 4:11 - NandevaBiblia

¹¹ Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Pedro 4:11 Referans Kwoze

1 Corintios 10:31

Pykarurã, maĩrã pimbyurã, maĩrã mbai pijapovare, pijapo pemombaivasu verã Tũpa.

Efesios 6:10

Piñymypyrãta katu Ñandeja ñymbaikatukuepy, symyĩgãtu pẽĩ verã ãña ouma pypeñã verãrã japukuepe.

1 Pedro 4:10

Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.

Hechos 7:38

Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Colosenses 4:6

Pijeta kaviñoĩpo hareka pyrymbyhorypo, pikuaa kavi verã marãrapo pymbyhovaishu reta.

1 Corintios 12:4

Tũpa jyrojaheare mbytepe ĩme'ẽ opaĩ jyvavy Espiritu Santo meẽshuva mbaikatukuere. Tẽvã hokava meẽva penteĩ'ẽ, hokava hai Espiritu.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

Judas 1:25

Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.

Hebreos 5:12

Arykaimatẽ pypyrỹmboipi verã, katynga pota hykuaĩ mbe'uajype Tũpa ĩñeepe'õ javaimbatẽvã, jaishu ho'uava tantava peumatẽ verã, kambyĩ pota peupi.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Corintios 3:10

Tũpa pya kavirã shypyhyrõ ãñono verã oo jypyrã. Hãma ĩme'ẽ oo mupũãheva, tẽvã pepenteĩpo ñyngarekokavihe marãra mupũã,

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

1 Pedro 5:11

Hai pevarã hai mbaikatukue opa ara. Amén.

Santiago 1:26

Ĩme'ẽ heiva opa kavi japova Tũpa ĩñee, tẽvã juru jokoãrã, ha'i ñymbytavy'i hareka heireii opakavi japova Tũpa ĩñee.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Efesios 5:20

Pymeẽshu opa arape pyndyvya, Tũpa, Ñandeja Jesucristo heepe.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

Romano 16:27

Tũpa penteĩ'õ, koñeĩ iñarãnduva, hĩmbipe opa arape Jesucristo rupii! Amén.

Juan 13:31

Judas ohomarã Jesús hei: Ã'ẽ, kuareta Tay heshakapo pyrãtãkue, hareka hai rupii Tũpa heshakapo pyrãtãkue ĩme'areva.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Tito 2:1

Tẽvã nde rijetahe pente ñeepe'ẽheva pyrỹmbo'eaheva kapyryva.

Tito 2:15

Hỹnatu ñimiñeehe kovare, rỹmykyrẽỹ hareka rỹmbyhaikavi verã kuaretare. Avy heja mbava timbyhory ndyrehe.

Hebreos 13:7

Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 4:16

Tẽvã hasa'asy Cristo jyrojaherã rehe, avypo mymarã; koñeĩ typyraheshu Tũpa kova rehe.