7 Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.
Hãrã pee jyve tẽmere pyhaihu pyndyrekore hareka avy pijeta pohyshu reta.
Tẽvã pee jyve, hykuaĩ haijype pepenteĩ haihu verã hyreko hai ijyhaihuva rãĩmi.
Kuimbai japopo, japo verã hyreko hãndi, hareka kyrãĩpo jyve taupe ĩme hãndi.
She hai jyve pee, mõkue peeva piñiñono pente ñeepe ko yvy'ĩãrẽ, pee pota pirureva ñymboipe, Sheru arapy'õva ẽvãpe meẽpope.
pepenteĩ tĩngarekohe hete, heko kyambape hareka mbyvetevape.
Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.
Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.
Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.
Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.
Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.
Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.