11 tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.
Vy'apo reta õñehãã pirĩmbi'iko kaviva, haire he'iaposhu: “Tũpa tayre”.
Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.
Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.
Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.
Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.
Katura piñyhãã piko kavi hãndi opavare.
Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.
Ĩme'ẽ mbai haikaviva katutẽ japova, japoarã, mbai porãmbama japo'ẽ.
Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.
Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.
Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.
Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,
Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.
Hãrã kyrã ahesha kova ñee mbyparahava, potamatẽ ajapo mbai haikavivarã, mbai porãmba vekuaĩ ahesha shypyape.
Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.
Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.
Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.
kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.
Shara mbai haikaviva potatẽ ajapova, ajapoã, koñeĩ porãmbava potamba ajapovaĩ, ajapojy.
Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.
Haipe Jesús heishu ĩrũre: Apyrãndupo pee pente mbai: Mbaivara katu jajapo putu'uava jy'arape: Haikaviva? Maĩrã porãmbavara? Ñapyrỹmynguera? Maĩrã japuruka?
Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.
Pavetevare ĩmeñoĩpo pynymbyteipi, hãrã potama haikaviva pijapoherã pijapopohe reta, tẽvã she opa arããpo aiko pynymbyteipi.
Shara Ñandeja hesare ñono'ẽhe hekopekavi'ia hareka japysare hendu jurureshurã, tẽvã Ñandeja ñymbyvaishohe porãmba japo'iare”.