1 Pedro 2:8 - NandevaBiblia

⁸ Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.

1 Pedro 2:8 Referans Kwoze

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

Romano 9:22

Tũpa, pota heshaka marãra hai purũnupa, hareka heshaka verã pyrãtãkue, heta hãrõkuaatẽ timbipory tujuivi japoava, haiva kuaretare mbyposhykarevare, ẽẽshua jaheahe verãre hareka jyvarehahe verã.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

1 Tesalonicenses 5:9

Shara Tũpa ñanyrẽnoã ity ñaneãrẽ verã ñunũpa vasu, koñeĩ jahajepe verãĩ Teja Jesucristo rupii.

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

2 Corintios 2:16

Ohojepemba verãre pevarã kova incienso pishekue hai purukava, tẽvã ohojepevare pevarã, kova pisheva hai meẽva tykove. Mbavara katu japo kova?

Galatas 5:11

Shyryvyre, apyrỹmboiteri aihe tipire chĩchĩãva ryhevarã, Judiore shymoñambatẽ verã, haima ñee Cristo jukurusu ryheva ambeuva mbyposhykambatẽ verãre.

1 Pedro 2:6

Hãme rãnga Mbyparahavape hei: “She añono pente ita Sionpe, ita tynondeva, pyhyrõã vekua hareka hepyva, jyrojaheva ha'eã ñymymarãka verã”.