1 Pedro 2:7 - NandevaBiblia

⁷ Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

1 Pedro 2:7 Referans Kwoze

Mateo 21:42

Jesús heishu reta: Pikuããra Tũpa ĩñeepe heirã: Kova ita, oo japo'iare mombo vekua, hoka ĩãrẽ ã'ẽ mupũ'ãhã. Kova hai Ñandeja japova hãrã ore pevarã hai mbai haikaviva.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

Hebreos 11:31

Jyrojakue rupii Rahab, heko kavimba vekua manoã hai ñee hendumbare hãndi, shara pyavapype myvãhe kavishu Israelitare ñemiãpe mondohavare.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

2 Corintios 2:16

Ohojepemba verãre pevarã kova incienso pishekue hai purukava, tẽvã ohojepevare pevarã, kova pisheva hai meẽva tykove. Mbavara katu japo kova?

Romano 15:31

Pirureshu Tũpa shynohẽjy verã jyrojambare Judeape'õ retaivi hareka ñandyryvyre heko kyambare Jerusalenpe'õre myvãhẽ kavi verã ofrenda arahashuva,

Romano 10:21

Tẽvã Israel rehe Isaías hei: “Opa ara shepo ãmondoshu pente tenta ñee hẽndumba hareka pya tãntava”.

Hechos 26:19

Hãme, huvisha vasu Agripa, shiñeerẽndushu shyresape'õ vateivi ouva.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Lucas 20:17

Tẽvã Jesús maĩhe retarã hei: Akuarã, mbaivara he'ise Tũpa jykuatia mbyparavape ẽvã? Kyrã heiva: “Ita vasu, oo japose'iare mbijiche vekua rãnga ã'ẽ koñemahẽa ikoshi oo jypyrã”.

Lucas 2:32

Sape mykõĩhe verã haimba Judiore, hareka nyrẽta Israel mihimbipe verã”.

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

1 Pedro 2:4

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.