1 Pedro 2:6 - NandevaBiblia

⁶ Hãme rãnga Mbyparahavape hei: “She añono pente ita Sionpe, ita tynondeva, pyhyrõã vekua hareka hepyva, jyrojaheva ha'eã ñymymarãka verã”.

1 Pedro 2:6 Referans Kwoze

1 Pedro 2:4

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Marcos 12:10

Pimbijetããra kuatia Mbyparahavape heiva?: Ita, oo japo'iare mombo vekua, ã'ẽ ikoshi ita oo jypy vapyhe verã,

Romano 10:11

Shara kuatia Mbyparahava hei: “Opaite jyrojaheva, ñymymarãkããpo”.

2 Timoteo 3:16

Opaite Mbyparahava hai Tũpa rupii me'ẽhava hareka haikavi poryha pyrỹmbo'eapy verã, ñyngãta, ñonoãkavijy verã hareka pyrỹmbo'ehapy marãrapo hekope kavi jaiko.

Juan 7:38

Jyroja shyreheva, Mbyparahava heiva rãĩmi, pyaivivepo syry'ẽkui yy meẽva tykove.

Lucas 23:35

Haipe henta'õre maĩ jyrehe ikova, huvisha retave ñymbyhoryherã, hei: Hetavape mondojepe, añete hai Cristo Tũpa tayrã, kyrãĩ tijapo jyve ijehe.

Mateo 12:18

Kova hai ajokueva apyhỹrõ vekua, she ahaihushu hareka shymbyhoryva. Añonopohe she Espiritu ĩãrẽ, hai mbeupo hekope kavi'õ tenta retaipi.

2 Pedro 3:16

Kyrã opaite kuatia mbypara vekuape heihe, hai paũpe ĩme'ẽ javai jaikuakavi verãpe, mbaimba kuavare hareka jyrojakuepe kangyvare mbivavy. Kyrãĩ japojy reta ĩrũ Mbyparaha vekuare, hãme oupokui opa ohũndi verãre.

2 Pedro 1:20

Opava maĩnunga ĩãrẽ pikuakavipo kova: Mba'ety Tũpa ĩñee mbeu'iare ĩñee Mbyparaha vekuape ẽẽva ha'eire ijuhuvii mbeu vekua.

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

Hechos 1:16

Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

Lucas 20:17

Tẽvã Jesús maĩhe retarã hei: Akuarã, mbaivara he'ise Tũpa jykuatia mbyparavape ẽvã? Kyrã heiva: “Ita vasu, oo japose'iare mbijiche vekua rãnga ã'ẽ koñemahẽa ikoshi oo jypyrã”.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.