1 Pedro 2:23 - NandevaBiblia

²³ Hehe'iha'ẽshurã hai mba'eãmba hei, jyvarehareherã mapeãmba porãã ijetashu reta, opaimba heja Tũpa ipope, hekopekavi pirĩmbivacheka'ia.

1 Pedro 2:23 Referans Kwoze

1 Pedro 4:19

Kyrã opaite hasa'asyvare Tũpa potava rãĩmi, tiñymeẽ jyrojape Tũpa japo vekua ipope hareka tijapo haikaviva.

Hebreos 12:3

Pyndypya pimbijetahe ñymyha'ãnga Jesús ryheva, heta hasashi ñymymorãmba vekua mbai porãmba japo'ia retaivi, tẽvã hai ohoĩ tynonde. Hãrã avy piñymeẽ hareka piñymykangy.

Hechos 4:29

Ã'ẽ, Sheja, maĩhe haire ĩñee hei pota urũnupavare hareka meẽshu rijokuevare pyavasu, kyjehambape mbeu verãre niñee,

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

Lucas 23:46

Haipe Jesús hỹnatu sapukerã hei: “Sheru, shykove ndepope ãñono”. Kyrãma heirã, mano.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

2 Tesalonicenses 1:5

Kova heshaka Tũpa hekopekavi pirĩmbivachekava, hãrã hai hẽno icheñoĩ verã huvisharã'õpe, ã'ẽ hai rehe hasa'asyñynoĩ.

Efesios 6:9

Hãrã pee pyrokue'õre, kyrãpo pijapo jyve pijokue pyrea hãndi, pijeta pohymbashuape. Pynymanduahe haire hareka pee ĩmepyre jyve penteva Pyndejaĩ vate arapy, hareka Hai opaite jyvache maĩ kavihe.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Hechos 9:1

Saulo potañoĩ opa juka Ñandeja mboireare. Hãrã oho pai juhuvisha'õpe,

Lucas 23:9

Heta mbai Herodess pyrãndushu, tẽvã Jesús mba'ẽã heishu.

Hechos 7:59

Hãrã japiteri ñynoĩ itaperã, Esteban jururerã hei: Sheja Jesús, ndepope añono shyrykove.

Lucas 23:41

Ñande rãnga hekope kavi jahasa'asyñaĩ, shara mbai porãmbava jajapo ñande; tẽvã ko kuimbai japoã hai mbai porãmba.