1 Pedro 2:21 - NandevaBiblia

²¹ Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.

1 Pedro 2:21 Referans Kwoze

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Juan 13:15

She aheshakamape, ajapova rãĩmi pijapo verã jyve.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

1 Juan 3:16

Ñande jaikuakavi Jesucristo jyhaihukue, shara hai meẽ ñandyrehe hykove. Hãme ñandyryvy retare ñameẽpo jyve ñandyrykove.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Corintios 11:1

She aikova rãĩmi piko, aikova Cristo rãĩmi.

1 Pedro 4:1

Cristo rãnga hasa'asy ñandyrehe hetepe, hãrã kyrãĩpo peĩ kavi jyve pyhasa'asy verã; shara hetepe hasa'asy vekua, mby'opa mbai porãmba vekuare,

Filipenses 2:5

Piko Cristo iko vekua rãĩmi hareka pijapo hai japo vekua rãĩmi:

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Mateo 10:38

Hãma jukurusu hupimbaa hareka shĩmi'ĩrũrã, katuãpo sha'ãporãva.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Hebreos 2:10

Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

1 Tesalonicenses 4:2

Pee rãnga pikuama pijapo verã, me'ẽãpe vekua Ñandeja Jesús ñymbaikatu rupii.

1 Tesalonicenses 3:3

potãã peeva hasa'asy ẽrã poi jyrojarã. Shara pikuaa kavi kyrãñoĩ jahasa verãrã.

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Hechos 9:16

She ambyheshakapo heta hasa'asy verã shyreepe jyrojarã.

Lucas 24:26

Katuãra Cristo hasa'asyrãni mbai hasyva iche verã hĩmbipeape Tuu ẽvãpe?

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.