1 Pedro 2:2 - NandevaBiblia

² Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

1 Pedro 2:2 Referans Kwoze

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Mateo 18:3

hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Efesios 2:21

Cristo rupii rãnga oo opa kavi oja ijehe, pũã oho ikoshi verã pente tũpao heko kyamba oja kaviheva Ñandeja.

Romano 6:4

Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

Mateo 19:14

tẽvã Jesús hei: Pyma'ẽĩhe sanjayre tou shyvache hareka avy pijocha, shara haire rãĩmiva Mburuvisha vasurã vate araivi ouva.

Lucas 18:17

Añeteva hai pee, Tũpa jyrojambahea pente sanjay japova rãĩmi, ha'ẽã iche verã Tũpa ẽvãpe.