1 Pedro 1:8 - NandevaBiblia

⁸ Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

1 Pedro 1:8 Referans Kwoze

Juan 20:29

Jesús heishu: Tomas, shyreshamarãra shyroja? Vy'apo opaite jyroja vekuare, shyreshambatẽãre.

2 Corintios 5:7

Shara jyrojakuepeĩ ikoha, ha'ẽã heshahava rupii.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Hebreos 11:1

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava.

Juan 16:22

Kyrãĩ jyvepe ã'ẽ pyvy'ãpẽĩ, tẽvã aijyma apyryresharã vy'akue pynytynyhẽpokui, pente vya mbavamba katu heky pyndyhevi verã.

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

1 Pedro 1:6

Hãme rãnga pee pynytynyhẽpo vya, katu sapy'aiteĩ heta pyhasa'asy.

Hebreos 11:27

Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

Filipenses 4:4

Pyvyañoĩpo Ñandejare opa ara. Hai jyvyĩ pee: Pyvy'a.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Filipenses 1:25

Hãrã aikuaa ãĩteri verã penendie apyrỹmbory verã, pymypyrãtave verã Tũpa jyhaihukuepe hareka pyreko verã vya pirojakuepe,

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Juan 14:24

Tẽvã shyraihumba, japoã she haiva. Hãrã pee pyhendupẽĩva ko ñee ha'ẽã shiñee, Sheru shymbou vekua ĩñee rãnga.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

2 Corintios 12:4

Rahahanda vate arape he'iashuape mbahapy ara vatevape hareka haipenda hendu ñee ñemiãpe'õ, mbava kuaretamba katu mbeuva.

2 Corintios 9:15

Ãmeẽ shy'ajetekue Tũpape! Shara hai heta mbai meẽ ñande katumba opa ñambeuva!

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

Hechos 16:34

Haivi raha hentape myngaru verãre, hareka vya henta ĩrũre hãndi, Tũpa jyrojamavehe retarã.

Juan 14:21

Henduva hareka japova she haiva, hokava hai ãñete shyraihuva, shyraihuva Sheru haihupo jyveshu, hãrã she ahaihupo jyve, hãmã aheshakaposhu marãvara she.

Juan 14:15

Shyraihupirã, pynatupo she haipeva.

Mateo 10:37

Tuu hareka ishy haihuve shyheviva, katuãpo ikoshi sha'ãporã. Ĩme'ẽ haihuve shyheviva tay hareka tajy, katuãpo ikoshi sha'ãporava.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Efesios 3:19

airure Tũpape pikuaa verã hokava jyhaihu, tivishaveva jaikuaa verã, heta pyheky verã opaite Tũpa ĩmereva meẽpe verã.