1 Pedro 1:22 - NandevaBiblia

²² Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 1:22 Referans Kwoze

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

Hebreos 13:1

Avy pypoi pijyhaihu shyryvyre.

1 Juan 4:12

Mba'etyiteimba Tũpa heshava, tẽvã ñande jaijyhaihurã Tũpateipo iko ñandypyape, hareka hai jyhaihukue jykuaakavi ñandyrehe.

1 Juan 4:7

Shyryvy ahaihuvare, jaijyhaihupaveĩ rãngapo, shara jyhaihu ou Tũpaivi. Opaite pyryhaihuva rãnga hai Tũpa tay hareka Tũpa kuaashu.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

1 Juan 3:11

Kova ñee õñepyrõaivive pynymbo'eahe: Jajyhaihupo opaiteva.

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

Efesios 4:3

Piñyhãã katu piko pente pyapeĩ, hãrãpo poiãã pente ñeepe peĩ Espiritu meẽpeva,

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Apocalipsis 2:4

Tẽvã ĩme'ẽ pente mbai rijapo porãmba; shyraihu nungaveãma jypyite shyraihu vekua rãĩmi.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

1 Pedro 4:8

Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

Juan 15:17

Kova hai pijapo verã: Pijyhaihu.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

2 Timoteo 1:14

Espiritu Santo iko ñanendieva rupii, ñyngareko kavihe pyrymbo'ehaheva haikaviva nimingarekohakahe vekua.

1 Timoteo 5:2

taupe kuakuavare ndesy rãĩmi japo, hareka kuñataĩre niindy rãĩmiporyre, niñerãmba ryheve.

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,

2 Tesalonicenses 2:13

Tẽvã ñameẽñoĩposhu Tũpa ñandyvy'akue pyndyrehe jyve, shyryvyre Ñandeja haihuvare, shara Tũpa tynonde pynypyhỹrõ pehojepe verã, Espiritu rupii pinimbijiche Tũpa pevarã hareka añeteva pyroja rupii.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Romano 2:8

Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Juan 17:17

Mbijiche reta na'ãporã añetevape; niñee añeteva rupii.

Juan 15:3

Pee rãnga pykyaveama, ko ñee ambeupe vekua rupii.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.