1 Pedro 1:15 - NandevaBiblia

¹⁵ Ã'ẽ pikopo heko kyambape, Tũpa rãĩmi heko kyambava pynyrẽnova.

1 Pedro 1:15 Referans Kwoze

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Santiago 3:13

Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Hebreos 13:5

Avy pejepy'apy hetavepyre verã kyrypoti, pyvy'a ĩmepyreare; shara Tũpa hei: “Hai'aĩtei neĩ aryreja verã”.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

Filipenses 3:20

Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.

Filipenses 3:14

Ahaterihe ãvãhẽ verã japyape, hareka apity verã me'ẽãreiiva Tũpa ñanyrẽno ñamyvãhẽ verã Cristo Jesús rupii.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Romano 9:24

Kyrã Tũpa ñanyrẽno arykai Judiovare mbyteivi hareka haimba Judiovare.