Biblia Todo Logo
Bib sou entènèt

- Piblisite -




1 Pedro 1:1 - NandevaBiblia

1 She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

Gade chapit la Kopi




1 Pedro 1:1
34 Referans Kwoze  

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.


Opaite hokava kuaretare jyrojakue rupii ikovare opa mano hipitymbava Tũpa mbeu vekua, katynga mbyryivi hesha reta hareka kuamondo reta haire ouiva ko yvy'ĩãrẽ mbyryivi ouva rãĩmi.


Hãrã pee haiveãma tenta mbyryvare jy'yvymbape, pente tenta kyamba jyvepe Tũpa ña'ãpova. Pee rãnga hai jyve Tũpa henta ĩrũre.


Tẽvã Jerusalenvi opa momohẽã vekuare mbeu reta Ñee kaviva ryheva ohova retaipi.


Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.


Hãrã Tũpa mykoĩpĩã kova ara, jyrojaheare reherã, mbavẽapo ohojepekui. Hai pyhyrõvare haihu rupii rãnga mykõĩpĩpokui.


Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.


She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.


Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.


Shara shyryvyre, pota pikuaa jyve marãra hasaha'asy Asiape. Jyvarehaite yryreherã, hãĩmeĩ hasahashi, hareka ñymo'ãveãma õhẽhashi verã hokava tykove ryheve.


Haipe ijesha hãndi pente Judio Aquila he'iashua yvy Pontope'õ, hãĩrãã oujy hyreko Priscila hãndi Italiaivi, shara huvisha Claudio ñonombashu reta opaite Judiovare mohẽhajy verãre Romaivi. Pablo oho maĩhe reta,


hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.


Rikuama rãnga tenta vasu Asiape'õre opa shyreja retarã, ẽẽ jyve Figelo hareka Hermógenes.


She hareka opaite ñandyryvyre pynymarãndu pee tũpao reta Galaciape peĩva.


Tũpao Asiape'õre pynymarãndu, Aquila hareka Priscila, hareka jyve opaite Jesús jyrojaheare hai hentape ñymbaty'õre pynymarãndu jyve Ñandeja heepe.


Mokue ãño kavi kyrã japo, hãrã opaite ikovare yvy Asiape, hendu Ñandeja ĩñee.


Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.


Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,


Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?


Kova hai 12 apostol reta hee: Tynonde'ẽ Simón mbyheajyva Pedro, hareka tyvy Andres; Santiago, hãndi tyvy Juan, Zebedeo tayre;


Jesús vata oho yyvasu Galilea hỹmbeipirã, hesha Simón, Pedro he'iashua hareka tyvy Andrés. Hai reta rãnga pira nohẽ'iare, yype mombo ñynoĩ jypysare.


Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?


Swiv nou:

Piblisite


Piblisite