1 Juan 5:19 - NandevaBiblia

¹⁹ Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

1 Juan 5:19 Referans Kwoze

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Juan 5:13

Hãme ambyparape kova mbai opaite jyrojaheva Tũpa Tay, pikuaa verã ĩmepyreva tykove opambava.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

1 Juan 3:24

Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.

Apocalipsis 20:3

Hareka mombo yvykua vasupe, haipe mboty'ĩãrẽ ñonojyhe pente sello õchere õhẽmba mbytavyjy verã tenta vasu retape opa mbotypeve 1.000 ãño. Haivi mbovy araĩpo jorahajykui.

1 Juan 5:18

Jaikuaa rãnga Tũpa tayre, japoveãma mbai porãmba, shara Tũpa Tay ñyngarekohe, hãrã Ãña katuveãma pokohe reta.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

Romano 8:16

Hãrã Espiritu kuaaka ñande ñandypyape ñande haimava Tũpa tayre.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Lucas 4:6

Hãrã Ãña heishu: She ameẽpo ndekui ko mbaikatu hareka hĩmbipe. Shara opa me'ẽãshe kovare, hãrã pota ameẽvapepo ameẽ.

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

1 Juan 5:15

Hareka jaikuava rãĩmi Tũpa ñanyrẽndu jairureshurã, hãrã jaikuaajy ĩmemajareva jairureshuva.