1 Juan 5:14 - NandevaBiblia

¹⁴ Ore jyrojahahe Tũpa, shara jaikuaa hai potava rãĩmi jairureshurã, hai ñanyrẽndu.

1 Juan 5:14 Referans Kwoze

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Mateo 21:22

Opava maĩnunga pee pirureshuva Tũpa, pirojakue rupii pipitypo.

Santiago 4:3

Hãrã pirurerã me'ẽhãpe, shara hekopẽã pirure, vyareiivape pipory verãĩ pipota.

Juan 9:31

Jaikuaa rãnga Tũpa henduãshu mbai porãmba japo'ia retarã; koñeĩ hendushu jyrojahea, hareka ĩñee japoshuva.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

Juan 16:24

Ã'ẽpeve mba'ẽãteri pirure shyreepe; pirure hãma mẽ'ẽãpope pynytynyhẽ verã vy'akue.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Santiago 5:16

Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

Hebreos 10:35

Hãme avy pypoi pirojahe Tũpa, shara hokava pirojaheape me'ẽãpope me'ẽhareiva ojaimbava.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Juan 11:42

She aikuaa shyrẽnduñoĩrã, tẽvã kova kuaretare rehe kyrã hainde, roja verãre nde hai shymbouvarã.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.