Biblia Todo Logo
Bib sou entènèt

- Piblisite -




1 Juan 4:1 - NandevaBiblia

1 Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Gade chapit la Kopi




1 Juan 4:1
29 Referans Kwoze  

Oparãni pikuaakavi, hareka pymymbyta pijehe haikavivare.


Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.


Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.


Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.


Kyrã jyve Tũpa ĩñee mbeu'iare, tijeta mokue, maĩrã mbahapy, hãma ĩrũre tijasaka kavihe hesha verã ñee haira ãñete Tũpaivi ouva.


Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.


Mãrãĩra peeteiva piñanduãã pijapo verã hekope kaviva?


Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.


Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.


She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.


Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.


Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.


Hãrã ĩme'ẽ heipeva: “Pymaĩhe, kope'i Cristo, maĩrã, kuty'i”, avy pyroja.


Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.


Avy pijahehe iko verã mbeu'ia.


avy javaimbavape yngai pyndypya pimbijetakui, avy mbava pyrojakui Ñandeja Jesús oujy verã ara vãhemava mbeu'ia. Japupe heiva Espiritu heishuva hokava, maĩrã hoka oreteiva pyrỹmbo'ehama ihea maĩrã kuatiape.


Shyryvy ahaihuvare, kova ñeẽ japoha verã ambyparapeva ha'ẽã py'ahuva, jypyiterãvãĩ ĩmemapyre vekua rãngajy.


Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.


Swiv nou:

Piblisite


Piblisite