1 Juan 3:3 - NandevaBiblia

³ Opaite Hai hãrõ'õ reta, ñymbyheko ky'ãpo, hai heko kyamba rãĩmi.

1 Juan 3:3 Referans Kwoze

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

Lucas 6:36

Pijyparekopo, Tũpa vate arapy'õ pyndy parekova rãĩmi.

1 Juan 4:17

Kyrãrãpo jyhaihu jykuaakavi ñandyrehekui, jakyjeveama verã pirĩmbivacheava jy'arape, shara Jesucristo iko vekua rãĩmi jaiko ko yvy'ĩãrẽ.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Romano 15:12

Isaías mbypara jyve: “Pũ'ãpo Isai hapo, ñyngarekohe verã opaite haimba Judiovare, haire hãrõpo'ẽshu reta”.

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

1 Pedro 1:15

Ã'ẽ pikopo heko kyambape, Tũpa rãĩmi heko kyambava pynyrẽnova.