1 Juan 3:24 - NandevaBiblia

²⁴ Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.

1 Juan 3:24 Referans Kwoze

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

2 Timoteo 1:14

Espiritu Santo iko ñanendieva rupii, ñyngareko kavihe pyrymbo'ehaheva haikaviva nimingarekohakahe vekua.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

1 Juan 4:7

Shyryvy ahaihuvare, jaijyhaihupaveĩ rãngapo, shara jyhaihu ou Tũpaivi. Opaite pyryhaihuva rãnga hai Tũpa tay hareka Tũpa kuaashu.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

1 Juan 3:22

Hãrã me'ẽãpo ñandekui opa mbai jairureshuva, shara jajaposhu hai potava hareka jajapo hỹnonde hai mbyvyava.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

1 Juan 2:5

Tẽvã ĩme'ẽ japoshuva hai potavarã, añeteĩte pya mynỹhe Tũpa jyhaihukue; kyrãvape ñande jaikuaa ñañymypentema hãndiva.

1 Juan 2:24

Hãme rãnga avy poi pijapo aryka'e pynymbo'eahe vekua. Pijapoñoĩ peho pynymbo'eahearã, pẽĩñoĩpo hãndikui Tyray hareka Teru.