1 Juan 3:23 - NandevaBiblia

²³ Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

1 Juan 3:23 Referans Kwoze

Juan 13:34

Ahejape kova ñeẽ japoha verã py'ahuva: Pijyhaihupo. She apyryhaihuva rãĩmi, hãrã kyrãmipo pyhaihu jyve pepenteĩ yngavare.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Juan 15:12

Kova hai she haiva ameẽpeva: She apyryhaihuva rãĩmipo, pijyhaihu jyve.

Juan 6:29

Jesús heishu reta: Kova hai Tũpa potava, pirojahe hai mbou vekua.

1 Pedro 4:8

Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.

1 Juan 3:11

Kova ñee õñepyrõaivive pynymbo'eahe: Jajyhaihupo opaiteva.

1 Juan 4:21

Jesucristo heja ñande ko ñeẽ japoa verã: “Tũpa haihuva, tyhaihu jyve tyvy”.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Mateo 22:39

Haivi haykue ouva ovajy, kyrãĩ hei: “Haihu ndapisha nde rijyhaihuva rãĩmi”.

Hechos 16:31

Haire heishu: Jyroja Ñandeja Jesucristore, hãrã reohojepe hareka jyve nyrẽtape'õre.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 14:1

Avy pejepy'apy, pirojahe Tũpa hareka piroja jyve shyrehe.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

Juan 2:23

Jesús ĩme'ẽ Jerusalenpe Pascua areteperã, heta'ẽ jyrojaheare shara hesha reta mbaikavi heshaha verã hai japova.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

1 Juan 2:7

Shyryvy ahaihuvare, kova ñeẽ japoha verã ambyparapeva ha'ẽã py'ahuva, jypyiterãvãĩ ĩmemapyre vekua rãngajy.

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

1 Juan 5:13

Hãme ambyparape kova mbai opaite jyrojaheva Tũpa Tay, pikuaa verã ĩmepyreva tykove opambava.