1 Juan 3:15 - NandevaBiblia

¹⁵ Opaite tyvy mymorãmbava hai puruka'ia, pee pikuaa puruka'ia katuãpo ĩmere tykove opamba.

1 Juan 3:15 Referans Kwoze

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Hechos 23:14

Jyraha reta pai ruvisha hareka Judiore juhuvisha ẽvãpe heishu reta: Ore me'ẽã ĩrĩñee mbaimba ho'uha hareka mbusururuha verã Pablo ndei jukaharã.

Santiago 1:15

Kova japova rupii rãnga õhẽ mbai porãmbava; hokava hetaitema japoharã, ñymoñashi ñymano.

Hechos 23:12

Hokava arape ĩme'ẽ Judiovare ĩñiñonova pente nẽẽpe Pablo juka verãre, hei reta Tũpa jahehe verãre japoã reta heivarã.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Marcos 6:19

Hai rehe Herodias heshatãã Juan, hãrã pota jukakare, tẽvã katuã;

Mateo 5:28

Tẽvã she hai pee: “Ĩme'ẽ kuimbai ynga taupe pota ryheve maĩ'iherã, ikoma'i hãndi pyapeĩ”.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Juan 2:9

Ĩme'ẽ heiva sapeha'õvape aiko tẽvã tyvy mymorã'irã, ĩmeĩteri'ẽ timimbivape.

1 Juan 2:11

Tẽvã tyvy heshatãmbava ikoteri pyntuaipi, hareka kuãã matyra oho, shara timimbi vekua rehe katuã hesha.