1 Juan 2:22 - NandevaBiblia

²² Mbavara japureii'iva? Heiva Jesús haimbava Mesías. Hai rãnga hokava Cristo hyvaishorãrea, shara ñomire Teru hareka Tyray.

1 Juan 2:22 Referans Kwoze

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

1 Juan 4:3

Opaite rojambava Jesús kuareta rãĩmi ou vekua, mba'etyre Tũpa ijespiritu; hokava hai Cristo ñymbyvaisho'ihea. Pee pikuama kova espiritu ouñoĩ verã, ã'ẽ ĩmema'ẽ ko'yvy'ĩãrẽ.

1 Juan 2:18

Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

1 Juan 2:23

Opaite ñomireva Tyray mba'etyre Teru; hãrã ĩme'ẽ myvãhẽva Tyrayrã, myvãhẽ jyve Teru.

1 Juan 1:6

Tũpa reheĩ ãĩve jairã, hareka mbai porãmba jajapoĩterijairã, ñandapureii hãma añetembaveĩma ja'e.

1 Juan 2:4

Ĩme'ẽ heiva: “She rãnga aikuaashu”, hareka japoãshu hai heivarã, pente japuvama hareka mbe'uã añeteva.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.

Mateo 24:5

Shara hetapo'ẽ shyreepe ou heipe verã: 'She hai Cristo', hãrã hetapo'ẽ mbytavyva.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.