1 Juan 2:17 - NandevaBiblia

¹⁷ Kova yvy opa oho'i opaite poramba vekuare ryheve, tẽvã Tũpa potava japo'iare, ikopo opa ara pevarã.

1 Juan 2:17 Referans Kwoze

Mateo 24:35

Ara hareka yvy opapokui, tẽvã shiñee opããpokui.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

1 Corintios 7:31

Hãma maĩnunga ko yvy'ĩãrẽ'õva pory'iare, tiko pory kavimba rãĩmi; shara ko yvy jaheshañaĩva opaserima.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Marcos 3:35

Opaite japoshuva Tũpa potava, hai reta rãnga, shyryvy, shiindy hareka shesy.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

Santiago 4:14

Marã'ĩrãra kyrã pijeta pikuaambatẽva mbaivara ikopo pare? Pyndyrykove rãnga ova vĩti sapy'aiteĩ jykuava, haivi opa kañyjy.

Juan 6:58

Aijeta'aĩhe ko pãhã ou vekua vate araivi. Kova pãhã ha'ẽã mana pynytynondevare hou jyre vekua rãĩmiva, haivi opa mano reta, tẽvã kova pãhã houva ĩmepore tykove opambava.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

1 Tesalonicenses 5:18

Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.