1 Juan 2:14 - NandevaBiblia

¹⁴ Ambyparape shyrayre ahaihuva, shara pikuaama Teru. Ambypara jyvepe terure, shara pikuaa kavima jypyiterãvãĩ ẽẽ vekua. Ambypara jyvepeje kunumire, shara pee pynypyrãta hareka Tũpa ĩñee iko pyndyrehe, hareka pijepyhe mbaiposhy.

1 Juan 2:14 Referans Kwoze

1 Juan 2:13

Ambyparape terure, shara pikuaama jypyiterãvãĩ ẽẽ vekua. Kunumire ambyparape kova, shara pijepymahe mbaiposhy.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Efesios 6:10

Piñymypyrãta katu Ñandeja ñymbaikatukuepy, symyĩgãtu pẽĩ verã ãña ouma pypeñã verãrã japukuepe.

Juan 8:31

Jesús heishu Judio jyrojaheare: Pijapo katu shiñeerã, ãñeteĩtepo haipekui amboi'areare.

Juan 5:38

Hai ĩñee icheã pyndypyape; shara pyrojãã hai mbou vekua.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

3 Juan 1:3

shara shymbyvy'aiteva hai ñandyryvyre jyveru mbeushe marãra riko hekopekavi hareka marãra ryvata añetevape.

2 Juan 1:2

shara añeteva iko ñandypyape hareka opa arapo ẽẽ ñanendie.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

Filipenses 4:13

Opa mbai katu ajapo Cristo rupii, hai shymypỹrãtase'ia.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.

1 Juan 1:10

“Mbai porãmba jajapoã” jairã, ñambijapu Tũpa, hareka ĩñee mba'ety ñandypy.

Juan 8:37

She rãnga aikuaa Abraham tay peerã; tẽvã pota shukapi, shara pateỹ mymyvãhẽ shiñee.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.