1 Juan 1:9 - NandevaBiblia

⁹ Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

1 Juan 1:9 Referans Kwoze

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Corintios 1:9

Tũpa rãnga sareãhe hai ĩñee meẽva, hai pynyrẽno peii piko hãndi verã pente ñeepe Tay Jesucristo, Ñandeja.

Hechos 19:18

Heta haipe hãirã jyrojavare ñymbeujyrã mbeu reta mbai porãmba arykai japo vekuare,

Marcos 1:5

Hãma opaite Judeavare hareka Jerusalenpe'õre, jyraha Juan ẽvãpe jasakahe verãre. Mbeuma reta mbai porãmba japo vekuarã, Juan myngaraishu reta yy syryva Jordanpe.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Hebreos 11:11

Jyrojakue rupii Abraham, ajemaĩ kuakuaama hareka hyreko Sara katuã memby, Tũpa meẽshu pyrãtãkue ĩmere verã pente memby, shara rojakatutẽ Tũpa hareka japoñoĩ verã ĩñee meẽva.

Mateo 3:6

Opama ñymbeu reta mbai porãmba japo vekuaivirã, Juan myngaraishu reta yy syryva Jordanpe.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Lucas 22:57

Tẽvã Pedro ñomirerã hei: Taupe, aikuãã rãnga jyveshu.