1 Juan 1:6 - NandevaBiblia

⁶ Tũpa reheĩ ãĩve jairã, hareka mbai porãmba jajapoĩterijairã, ñandapureii hãma añetembaveĩma ja'e.

1 Juan 1:6 Referans Kwoze

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

1 Juan 2:4

Ĩme'ẽ heiva: “She rãnga aikuaashu”, hareka japoãshu hai heivarã, pente japuvama hareka mbe'uã añeteva.

1 Juan 1:10

“Mbai porãmba jajapoã” jairã, ñambijapu Tũpa, hareka ĩñee mba'ety ñandypy.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 12:35

Jesús heishu reta: Ĩmeteripo'ẽ pynymbytepe sape'ẽva, tẽvã kỹỹvẽãmapo. Pyvata pyrekoteri ko sape'õrã, mahẽ pyndysapyakui timimbiva; shara timimbivape ikovare kũãã mãĩpirapo oho.

Santiago 2:14

Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?

Juan 12:46

She hai sapeva ai vekua ko yvy'ĩãrẽ, opaite jyroja shyreheva ikoveama verã timimbivape.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

Juan 11:10

Tẽvã pỹntuaipi vatava vapipo, shara mba'ety sapeshuva.

Santiago 2:18

Katu ĩme'ẽ heiva: “Nde ĩmeryre jyrojakue, tẽvã ajapo she mbai haikaviva”. Shymbyheshaka rirojakue mbaimbaa japova, hãrã she aheshakapo jyve nde jyrojakue ĩme'areva mbaikavi ajapova ryheve.

1 Juan 1:8

“Mbai porãmba mba'ety areshe” ja'erã, ñandei ñañymbytavy hareka ñambe'uã añeteva.

Santiago 2:16

haivi penteva pynymbytepe'õ heishu: “Ekuajy pyavapy ryheve, jykasoishi ro'y hareka karu nyvãtapeve”, tẽvã me'ẽãshu ikotẽvevarã, mbaivapera haikavishu hokava?

Mateo 7:22

Hokava ara vãhẽmarã, hetapo'ẽ heisheva: “Sheja, Sheja, ndyreepe rãnga ore ñimiñe'ẽhate'i jyve, ndyreepe mohẽha'i mbaiposhyre, ndyreepe heta japoha mbaikavi heshaha verã”.

1 Timoteo 4:2

Japoposhu kuaretare hova mokue'iare hareka japuvare heiva, katuveãma ñynotivare.

Juan 8:55

Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.