1 Corintios 9:22 - NandevaBiblia

²² Pyrãtambavare mbytepe, aiko jyve pyrãtambava rãĩmi, aru verã reta jyve pyrãtambavare. Jaishu opaĩ añimbivache hãndi, a'ãmo ohojepe verã reta jyve.

1 Corintios 9:22 Referans Kwoze

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 9:19

Ajemaĩ she haimbateã mbava jokuerea, opava jokuerea reta rãĩmi aiko. Hetavape apity verã Cristo pevarã.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 11:14

Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

1 Corintios 8:13

Hãrã hauva rupii ñandyryvy aitypotarã, haikavive penteã hau soo, mahẽ aityjykui mbai porãmbape.

1 Corintios 7:16

Shara nde taupe, marãira rikuaa, katu rỹmondojepe verã neme? Maĩrã, nde kuimbai, katura rỹmondojepe ndyreko.

2 Corintios 11:29

Ĩme'ẽ ñymbairasyvarã, shymbairasyĩ jyve; tẽvã ĩme'ẽ hapisha mbai porãmbape ityvarã, shymarã hareka shyposhy.

Romano 14:1

Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Romano 14:2

Ñañonoshu, ĩme'ẽ pya mbijetava hou verã opaĩ marãrãngatuva ho'uavare, katynga jyrojakuepe pyrãntambaterivare, koñeĩ hou reta ñotỹhavare ia.

Romano 15:2

Opaitevapo jajapo ñandapisha pya ohohe verã hareka haikaviva jajapo haire pevarã hareka jyrojave verãre.

1 Corintios 9:23

Opa mbai ajapo, ajapohe kova Ñee kaviva rehe, shara aipota apity jyve hai rupii sha'ãpova.