1 Corintios 9:17 - NandevaBiblia

¹⁷ Hãmeara, shykyrẽyvi ambeu'airã, me'ẽãposhekui ajapova hepykue. Shara pyrãnduhãã she shykyrẽyra ajapo, he'ia rãnga she ajapoñoĩ verã!

1 Corintios 9:17 Referans Kwoze

Galatas 2:7

Kyrã, haire hesha Tũpa meẽsheva ko ajapo verã hareka apyrỹmboihe verã Ñee Kaviva haimba Judiore pãũpi. Pedro hejahashuva rãĩmi jyve mbeu verã Judiore pãũpi.

1 Corintios 3:8

Hãrã ma'ẽty'ia hareka ñotyãva maky'ia, mba'ety vateve'õ, jyvacheĩ reta. Pepenteĩpo Tũpa meẽshu retakui japova hepykue.

Colosenses 1:25

Haikavipe verã, Tũpa japo shyhevi tũpao ambory verã, hai meẽsheva ajapo verã pyndyrehe, ambeu verã ĩñee,

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

Mateo 10:41

Ĩme'ẽ mỹvãhẽva ko Tũpa ĩñee mbeu'ia hairã, Tũpa mbyhekoviañoĩposhu Tũpa ĩñee mbeu'ia mbyhekoviashuva rãĩmi. Ĩme'ẽ myvãhẽva kuimbai heko kavivarã, Tũpa mbyhekoviajyposhu ko kuimbai heko kaviva Tũpa heiva japo'ia rãĩmi.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

1 Corintios 3:14

Hãrã ĩme'ẽ oo japohava tatajepyãherã, me'ẽãposhukui japova hepykue.

Filemon 1:14

Tẽvã mba'eãteripo ajapo ndeiteri ambeundevape, nymymba'apokamba verã airurendeva.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

1 Corintios 9:16

She pevarã arekoã mbaiva reherapo airoja'ai shijehe ambeu'ai kova Ñee kavivarã. Shara ha'ẽrã ñonohashe ambeuñoĩ verã. Tengaposhekui ambe'uarã!

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Mateo 24:25

Ãmbeu'ãiĩpe kova, ndei ikorã.

Juan 4:36

Hãrã ñotyãvã'ia mynovã mẽ'ẽhãshu japova hepykue. Ko ñotyãva'ia myno'õhãvã rãnga hai tykove opambava pevarã, kyrã vyapãvẽĩ verã ñimĩtyva hareka ñotỹava'ia mynovã.

1 Corintios 9:18

Hãrã she apityva hai meẽsheva vy'a hareka ambeu'ai Ñee kaviva mbyhepyambashevape, ajemaĩ ẽẽtesheva.